Ordinatrulum portabile

Ordinatrulum portabile,^[1] sive computatrum gremiale,^[2] sive computatrum portabile,^[3] est machina computatoria accumulatro instructa, quae a parietali fonte electrico liberata ex uno loco ad alium facile portari potest.

Ordinatrula portabilia hominibus parantur, quibus computatro prope ubicumque opus est. Etiam alia de causa fieri potest, ut emptor ordinatulum portabile pro mensali comparare velit, nam minus spatii requirit et minore consumptione electricitatis operatur. Portabilia et mensalia multis iisdem membris consistunt, sed illarum minora sunt. Ordinatrulum portabile etiam saepe minoris impendi est quam mensale, cui suae accessiones propriae necesse sunt.