Tremor

Mit Tremor (lat. tremere „ziddere“) bezäichnet mä, wenn Muskelgrubbe, wo enander entgeegewirke, sich rhythmisch immer wider und unwillkürlig zämmezie. Dr sogenannti füsiologischi Tremor vo Gsunde chä mä mässe, er isch aber kuum sichtbar. Wenn dr Tremor dütlig sichtbar isch, chann er e Sümptoom vo verschiidene Chrankhäite si.

Die verschidnige Arte vo Tremor underschäide sich in däm, weli Körperpartii bedroffe isch, in iirer Frequänz, Sterki und Ursach. Wenn s Ufdrätte chrankhaft isch, isch dr Tremor mäistens s Sümptoom von ere andere Chranket, wo s Zittere verursacht. Es git aber Fäll, wo dr Tremor isoliert duet ufdräte und däm säit mä en essenzielle Tremor.