Octavius

Octavius
Gaius Octavius, pater imperatoris Augusti (imago saeculo XVI ficta)
Genus	Masculinum
Origo	Latina
Significatio	"octavus"
Index praenominum Paginae in "Octavius" ineuntes

Octavius primum nomen gentilicium Romanum, postea praenomen fuit. Gens Octavia est gens Romana, e plebeia stirpe, cui Caesar Octavianus pertinebat.

De qua Suetonius: "[1] Gentem Octaviam Velitris praecipuam olim fuisse multa declarant. Nam et vicus celeberrima parte oppidi iam pridem Octavius vocabatur et ostendebatur ara Octavio consecrata, qui bello dux finitimo, cum forte Marti rem divinam faceret, nuntiata repente hostis incursione semicruda exta rapta foco prosecuit atque ita proelium ingressus victor redit. Decretum etiam publicum exstabat, quo cavebatur, ut in posterum quoque simili modo exta Marti redderentur reliquiaeque ad Octavios referrentur. [2] Ea gens a Tarquinio Prisco rege inter minores gentis adlecta in senatum, mox a Servio Tullio in patricias traducta, procedente tempore ad plebem se contulit, ac rursus magno intervallo per Divum Iulium in patriciatum redit^[1]."