Damn (ձևավորված որպես DAMN.), ամերիկացի հիփ հոփ ոճի երգիչ Քենդրիք Լամարի չորրորդ ստուդիական ալբոմը։ Թողարկվել է 2017 թվականի ապրիլի 14-ին Aftermath Entertainment, Interscope Records և Top Dawg Entertainment լեյբլների հովհանավորությամբ։ Ալբոմի առաջատար երգը «Humble» սինգլն է, որը դեբյուտացվել է Billboard 100 հիթ-շքերթի երկրորդ հորիզոնականում[12]։
Damn-ի նորամուտը եղել է Billboard 200 հիթ-շքերթի առաջին հորիզոնականում՝ առաջին շաբաթում վաճառվելով ավելի քան 603 հազար թվային օրինակով[13][14]։ Ալբոմը ստացել է դրական արձագանքներ երաժշտական քննադատների կողմից։ 2017 թվականի հուլիսին Damn-ը հավաստագրվել է Recording Industry Association of America-ի (RIAA) կողմից կրկնակի պլատինե կարգավիճակում։ Ալբոմը ստացել է Grammy Award մրցանակ այնպիսի կատեգորիաներում, ինչպիսիք են՝ լավագույն ռեփ ալբոմը և տարվա լավագույն ալբոմը, ինչը դարձել է Լամարի երրորդ անընդմեջ ալբոմը, որը նոմինացված էր այդ կատեգորիայում[15]։ 2017 թվականի տվյալներով Damn-ը ճանաչվել է Billboard Year-End լավագույն ալբոմ[16]։ 2018 թվականի ապրիլի 16-ին ալբոմի համար Քենդրիք Լամարը դարձել է Պուլիցերյան մրցանակի դափնեկիր[17]։ Դա առաջին ոչ ջազային և ոչ դասական աշխատանքն է, որն արժանացել է այդ հեղինակավոր մրցանակին[18]։