Bosnia

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Este articlo ye sobre a rechión de Bosnia, que fa part d'a entidat politica actualment independient de Bosnia y Herzegovina. Pa atros usos veiga Bosnia (desambigación).

Bosnia (en os usos bosnio, croata y serbio d'o serbocroata Bosna; cirilico: Босна) ye una rechión historica situata principalment en os Alpes Dinaricos, plegando dica as marguins orientals d'a Plana Panonica con os ríos Sava y Drina como muga norte y sud. Bosnia ye una d'as dos rechions historicas y naturals de Bosnia y Herzegovina, pero a sobén a denominación d'esta entidat territorial s'acurza y "Bosnia y Herzegovina" ye denominata simplament "Bosnia" obviando "Herzegovina", ya dende os zaguers tiempos de l'Imperio Otomán".

O termin Bosnia orichinalment correspondeba a la cuenca d'o río Bosna (d'alto y baixo l'actual Bosnia Oriental), y dimpués s'estendilló a atros territorios de mes a l'ueste a causa d'a expansión medieval d'o estato bosnio y d'a configuración posterior d'a muga occidental de l'Imperio Otomán.

A superficie de Bosnia ye d'uns 41,000 km², correspondendo a lo 80% d'o territorio de l'actual estato de Bosnia y Herzegovina. No bi ha una muga clara entre a rechión de Bosnia y a rechión d'Herzegovina, pero oficiosament Herzegovina corresponde a lo que bi ha a lo sud d'a montanya Ivan planina.