Bett

De Begriff Bett bezeichnet es Möbelstuck, wo zum Schlafe, Ligge oder Ruehe bruucht wird. Es eifachs Bett bestaht hüt i de Regel us eme Rahme oder Gstell, won e Madratze druff liit. Zum Teil träged Madratze au sälber (bispylswys bi mänge Französische Bett). Zum „europäische“ Bett ghöred i de Regel e Bettdechi, es Chopfchüssi und di nötige Zieche (Überzüüg) und eis oder zwei Lintüecher. Me seid dem s Bettzüüg oder au Bettwösch oder Bettwaar.