Aton

Bi de alten Ägypter isch dr Aton, au Aten, Iten etc., urschbrünglig d Sunne as Schdärn gsi. In dr Gschicht vom Sinuhe us dr Zit vom Middlere Riich wird beschriibe wie dr König noch sim Dod zum Himmel schdiigt und sich mit em Aton vereinigt.^[1] Dr Aton as Sunneschiibe isch denn d Erschiinigsform vom Sunnegott Re worde. Under em Thuthmosis IV. isch d Sunneschiibe personifiziert worde, und dr Aton isch dr Sunnegott sälber gsi.^[2]

1. ↑ M. Lichtheim, Ancient Egyptian Literature, Band 1, 1980, S.223
2. ↑ Manfred Lurker, Lexikon der Götter und Symbole der alten Ägypter, Scherz 1998, S.46