Shaka Samvat

Sjaka-kalenderen (sanskrit, også kalla Shaka Samvat eller Saka Samvat) eller Salivahana-kalenderen er ei tidsrekning frå Sør-Asia som i dag har offisiell status som indisk nasjonalkalender. Ei moderne form av kalenderen har offisielt vore i bruk i India sidan 1957.^[1] Kalenderen er ein av fleire hindukalendrar.^[2]

Året då kalenderen byrjar svarer til år 78 i den vestlege (gregorianske) kalenderen. Byrjinga av året ligg i månaden tsjaitra, dagen etter vårjamdøgn. Dette svarer til 22. mars i den vestlege kalenderen. Eit år i kalenderen har 365 dagar, 366 ved skotår. Den første månaden (tsjaitra) har normalt 30 dagar, 31 ved skotår. Dei neste fem månadane har 31 dagar kvar, dei andre har 30.^[1]

Skotår samsvarer med dei i den gregorianske kalenderen.^[2]

1. ↑ ^{1,0 1,1} Referansefeil: Ugyldig <ref>-merke; ingen tekst vart gjeven for referansen med namnet Brit
2. ↑ ^{2,0 2,1} The Indian Calendar System, National Hindu Students Forum, arkivert frå originalen 17. april 2016, henta 23. april 2017