Petrus, vulgo Petr Fiala (Brunae in urbe die 1 Septembris 1964 natus) est politicus Cechiae. Alumnus est universitatis Masarykianae Brunensis, ubi recentius decanus et rector fuit. Fuit etiam professor apud universitatem Carolinam Pragensem. Annis 1980, museologus Cremsirii merens, seminaria universitatis "subterraneae" (ita dictae) de philosophia politica tenuit.
Minister eruditionis die 2 Maii 2012 factus est et usque in diem 10 Iulii 2013 functus est, primo ministro Petro Nečas: cui sucessor dux factionis civicae democraticae die 18 Ianuarii 2014 electus est. Quod officium usque adhuc retinens, factione in comitiis anno 2021 victrice, Petrus Fiala die 28 Novembris 2021 primus minister fit, antecessore Andrea Babiš.