Da Papa Geis, amtli: Jakob Geis (* 27. Dezemba 1840 z Athen; † 3. Meaz 1908 z Minga) wor a boarischa Voikssänga. Ea wor a Großmoasta vo da bayrischn Gaudi und vom Couplet.
1847 is a mit sechs Joarn vo Griachaland auf Minga kema; sei Voda is z Athen "Hofoffiziant" gwen. Z Minga hod da Geis as "Hollandeum" (heit Albertinum) bsuacht und häd Geistlicha wern soin. 1866 hod a seine easchtn Auftritt ois Komika ghobt.
In seim Testament hod a festglegt, dass ois wos a gschriem ghobt hod, vabrennt wern soit.