Polders

De Polders of in t' Vlams t bloote es de noame van een streke in Vloandern juste achter de zêe, die gevormd is uut polders lik of da de noame zegt.

De streke lopt van Frans-Vloandern (round Duunkerke) over hêel et onmiddellik achterland van de West-Vlamsche kust, hêel Zêeuws-Vloandern, ten nôordn van Eeklo (noord-Ôost-Vloandern), 't Woasland en de nôordwestelikkn oek van de provincie Antwerpn.

Ten zuudn van de lyne Brugge-Antwerpn wordn de Polders begrensd deur de Zandstreke, in 't zuudwestn deur de Zandleemstreke en hêel in 't ôostn liggn de Kempn.

De streke es hêel vlak, en een typisch gezicht zyn de uutgestrekte veldn me bêestn, ier en doar nen bôom, en een boerhof.