Utuno

L'autuno la xe una de le quatro stagion de l'an. La xe la stajon dove scominsia a rivar el fredo, e le piante le perde le foje, che prima le deenta giale e dopo le casca.

L'autuno astronomico el dura tri mesi e el taca co l'equinozio d'autuno el 23 setenbre ne l'emisfero nord e el 21 marzo in quelo sud, e el finise col sostizio d'inverno el 21 dicenbre a nord e el 21 zugno a sud.

Dopo che xe tacà l'autuno e ga cominzià a far fredo, pol capitar un breve periodo de bel tenpo, dove torna par calche dì na s-cianta de caldin. De solito sto periodo el capita intorno a l'11 de novenbre, festa de San Martin, e donca el vien ciamà "istà de San Martin".