Potsdam

Potsdam
Lungsod
Mula sa taas at mula kaliwa pakanan: Palasyo ng Lungsod ng Potsdam kasama ang Simbahan ng San Nicolas sa likuran, ang Palasyo ng Sanssouci, ang Bagong Palasyo, ang Kuwartong Olanda, at Estudyong Pampelikula ng Babelsberg
Watawat Eskudo de armas
Location of Potsdam
Potsdam
Mga koordinado: 52°24′N 13°4′E / 52.400°N 13.067°E / 52.400; 13.067
Bansa	Alemanya
Estado	Brandenburgo
District	urbano
Itinatag	1776
Pamahalaan
• Lord mayor (2018–26)	Mike Schubert[1] (SPD)
Lawak
• Kabuuan	187.28 km2 (72.31 milya kuwadrado)
Taas	32 m (105 tal)
Populasyon  (31 Disyembre 2022)
• Kabuuan	185,750
• Kapal	990/km2 (2,600/milya kuwadrado)
Sona ng oras	UTC+01:00 (CET)
• Tag-init (DST)	UTC+02:00 (CEST)
Postal codes	14467–14482
Dialling codes	0331
Plaka ng sasakyan	P
Websayt	www.potsdam.de

Ang Potsdam (Pagbigkas sa Aleman: [ˈpɔt͡sdam]  ( pakinggan)) ay ang kabesera at pinakamalaking lungsod ng estadong Aleman ng Brandenburgo. Direkta itong nasa hangganan ng kabeserang Aleman, ang Berlin, at bahagi ng Kalakhang Rehiyon ng Berlin/Brandenburgo. Ito ay matatagpuan sa Ilog Havel mga 25 kilometro (16 mi) timog-kanluran ng sentro ng lungsod ng Berlin.

Ang Potsdam ay isang tirahan ng mga Prusong hari at ng Alemang Kaiser hanggang 1918. Ang pagpaplano nito ay naglalaman ng mga ideya ng Panahon ng Kaliwanagan: sa pamamagitan ng maingat na balanse ng arkitektura at tanawin, ang Potsdam ay nilayon bilang "isang kaakit-akit, pastoral na panaginip" na magpapaalala sa mga residente nito ng kanilang relasyon sa kalikasan at katwiran.^[2]

Ang lungsod, na higit sa 1000 taong gulang, ay malawak na kilala para sa mga palasyo nito, mga lawa, at pangkalahatang kahalagahan nito sa kasaysayan at kultura. Kasama sa mga tanawin ang mga parke at palasyo ng Sanssouci, ang pinakamalaking Pandaigdigang Pamanang Pook ng Alemanya, pati na rin ang iba pang palasyo gaya ng Palasyo Orangery, Bagong Palasyo, Palasyo Cecilienhof, at ang Palasyo Charlottenhof. Ang Potsdam din ang lokasyon ng makabuluhang Kumperensiya sa Potsdam noong 1945, ang kumperensiya kung saan ang tatlong pinuno ng gobyerno ng Unyong Sobyetiko, Estados Unidos, at Reino Unido ay nagpasya sa paghahati ng Alemanya kasunod ng pagsuko nito, isang kumperensiya na nagbigay kahulugan sa kasaysayan ng Germany para sa mga sumusunod na 45 taon.

Ang Babelsberg, sa timog-silangang bahagi ng Potsdam, ay tahanan na ng isang pangunahing studio ng paggawa ng pelikula noong dekada 1930 pa at natamasa nito ang tagumpay bilang mahalagang sentro ng produksiyon ng pelikulang Europeo mula noong bumagsak ang Pader ng Berlin. Ang Filmstudio Babelsberg ay ang pinakalumang malakihang estudyo ng pelikula sa mundo.^[3]

Ang Potsdam ay naging sentro ng agham sa Alemanya noong ika-19 na siglo. Ngayon, mayroong tatlong pampublikong kolehiyo, ang Unibersidad ng Potsdam, at higit sa 30 mga institusyong pananaliksik sa lungsod.

1. ↑ Ergebnis der Bürgermeisterwahl in Potsdam Naka-arkibo 2022-08-15 sa Wayback Machine., accessed 30 June 2021.
2. ↑ The Potsdam project, 1996, HRH The Prince of Wales, Charles; Hanson, Brian; Steil, Lucien; Prince of Wales's Urban Design Task Force; Prince of Wales's Institute of Architecture, Prince of Wales's Institute of Architecture, 1998, Introduction.
3. ↑ "About us".