Dagat Dilaw

35°0′N 123°0′E / 35.000°N 123.000°E / 35.000; 123.000

Dagat Dilaw
Ang Dagat Dilaw, nagpapakita ng nakapaligid na mga bansa.
Tsino	黄海
Mga transkripsyon Pamantayang Mandarin Hanyu Pinyin Huáng Hǎi

Ang Dagat Dilaw (Ingles: Yellow Sea) ay isang pangalang ibinigay sa hilagang bahagi ng Dagat Silangang Tsina, na isang kahanggang dagat ng Karagatang Pasipiko. Nakalagak ito sa pagitan ng pangunahing lupain ng Tsina at ng tangway ng Korea. Nagmula ang pangalan nito sa mga maliliit na mga piraso ng buhangin mula sa mga bagyo ng buhangin ng Ilang ng Gobi na nagsasanhi ng pagiging kulay dilaw ng ibabaw ng tubig habang papalubog ang araw at maaaring matanaw kapag naglalayag o lumilipad pakanluran.

Tinatawag na Dagat Bohai ang pinakapanloob na dalampasigan ng Dagat Dilaw (dating Dalampasigan ng Pechihli o Dalampasigan ng Chihli). Pumapaloob dito ang daloy ng Ilog na Dilaw (sa pamamagitan ng lalawigan ng Shandong at ng kabisera nitong Jinan) at Hai He (sa pagdaan sa Beijing at Tianjin).

Isa ang Dagat Dilaw sa apat na mga dagat na pinangalanan mula sa mga kulay— ang iba pa ay ang Dagat Itim, ang Dagat Pula, at ang Dagat Puti.