Manyogana

Tulisan Jepang

Kanji 漢字

Kana 仮名

• Hiragana 平仮名
• Katakana 片仮名
• Manyogana 万葉仮名

Pamakéan

• Furigana 振り仮名
• Okurigana 送り仮名

Rōmaji ローマ字

Man'yōgana (万葉仮名) nyaéta bentuk kana heubeul dina Basa Jepang nu maké karakter Basa Cina jeung ngagambarkeun tulisan Basa Jepang. Teu pati kapuluruh sacara jéntré ti mimiti iraha dipakéna, diperkirakeun mimiti dipaké dina awal abad kagenep. Ngaran man'yōgana asalna tina Man'yōshū (万葉集, Antologi Myriad Léaves), hiji antologi sajak Basa Jepang waktu periode Nara ditulis dina man'yōgana.

Man'yōgana leuwih loba maké kanji keur nilai fonétikna tinimbang hartina. Sababaraha kanji dipaké keur nembongkeun sora nu sarua, sarta dina praktékna nu nulis bakal ngahijikeun kanji nu ampir sarua. Kanji nu remen dipaké dina man'yōgana ahirna robah jadi hiragana jeung katakana. Hiragana diwangun tina parobahan man'yōgana nu ditulis bagéan luhur cursive, dina gaya sōsho; katakana dumasar kana bagéan-bagéan man'yōgana, sarta mimiti dirobah ku pendeta Buddha dina bentuk steno. Dina sababaraha hurup, hiji karakter man'yōgana keur hiji suku kata nu ilahar dina hiragana, sarta béda jeung dina katakana; contona, hiragana る asalna tina man'yōgana 留, katakana ル asalna tina man'yōgana 流. Panalutingtikan man'yōgana nembongkeun yén sora teu ditembongkeung ku hiragana jeung katakana, kaasup dalapan sora vokal, saperti nu dipaké ayeuna nyaéta ngan lima hurup vokal.

Gabungan tina sababaraha kanji keur hiji suku kata dipaké dina hentaigana (変体仮名), susunan kana séjén tina hiragana. Hentaigana resmi teu dipaké dina taun 1900.

Man'yōgana masih dipaké keur sababaraha tempat di Jepang kiwari, utama di Kyushu. fénoménanu ampir sarua jeung man'yōgana, disebut ateji (当て字), masih aya, nu mana kecap (kaasup injeuman) dieja maké kanji: contona, 倶楽部 (kurabu, kleub).