Domeni (biologia)

Lo domeni (dominium en latin scientific) es lo promier niveu de la classificacion scientifica dau vivent en dessobre dei regnes. Es estat introduch per crear una classificacion de tres grops supausats monofiletics : li bacterias, li arquèas e lu eucariòtas. Totun, aquela vision dau vivent es criticada car li arquèas non semblan èstre un ensemble monofiletic. De mai, lo tèrme « empèri » existissia ja per designar aquelu ensembles. Ensinda, de taxonomistas preferísson aqueu tèrme au nom dau principi d'anterioritat.