Nijgrunnegs

t Nijgrunnegs is n toalperiode van de Grunnegse toal dij tegenswoordeg aan de gang is. t Is ontstoan rond 1800, dou t Grunnegs, noa n periode van staarke Hollaandse invlouden, isoleerd ruik. In de provìnzie onston n staark provinsjoalisme, dij t Grunnegs in ontwikkelen brocht.

In dizze periode onstonden de typisch Grunnegse klanken ai, ou en ui, dij t noordelke Oostfrais nait mitmuik. Allend bie de Ems laangs (Reiderlaand, Kromhörn en Börkem) zegt man de ou wel ais, aanders oe. Ook ontstonden de waarkwoordsvörms zo as wie dij tegenswoordeg kennen, in dizze tied.