Iesselham

Iesselham is een buurtschop en vroggere gemiente in de gemiente Stienwiekerlaand, in de Nederlaanse perveensie Overiessel. De buurtschop lig ten noordwesten van de stad Stienwiek, ten zuudwesten van et dorp Oldemaark en ten oosten van et dorp Ossenziel, rond de wegen IJsselhammerweg, Lakeweg, Kerspelweg en Akkerweg. Der bint zo'n 30 huzen mit zo'n 70 inwoners.

Iesselham hef ien rieksmonument, een boerderi'je op IJsselhammerweg 4 die typisch is veur et overgaanksgebied tussen Frieslaand en Overiessel. Ok is der ien gemientelijk monument, een boerderi'je op IJsselhammerweg 8.

De buurtschop hef een historische verieniging, de Historische Vereniging IJsselham.^[1]

1. ↑ Plaatsengids.nl over Iesselham