Deelstoaten van Duutslaand

De dealstoaten van Duutslaand (Duuts: Länder of Bundesländer bint de zesteen dealstoaten van de Bondsrepebliek Duutslaand. Zee hebt eaigne groondwetn, parlemeanten en regearingn. Aans as in nich-federalistiese lände hebt de dealstoaten in Duutslaand völle bevoogdheaden en invlood op de federale bestuursloage: den Bondsroad, den as de dealstoatregearingen verteagnwoordigt, beslis met oawer völle federale wetn.

Al et groondgebeed van de Bondsrepebliek lig in ene van de deelstoaten. Met Bundesgebiet (federoal gebeed) wörd et hele Duutslaand bedoold. Der is gin deelstoatloos gebeed wat direkt deur de federoale oawerheaid bestuurd wörd (Aans as biejveurbeald in de Vereanigde Stoaten, met öare United States territories, zo as een antal eileande). De greanzen van nen dealstoat könt alleannig met een plebiskiet anpast wördn. Noordrien-Westfalen hef de meeste inwonners, Breemn de meenste. Ok wat oppervlakte angeet is Bremen et kleainst en Beiern et grötst. A'w stadstoaten neet metrekkent, dan hef Saarlaand et meenste antal inwonners en oppervlakte.