Ody

Ny ody dia tapa-kazo na tapa-javatra hafa izay ninoan'ny Ntaolo malagasy fa manan-kery hitondra ny soa sy hiaro amin'ny loza. Karazana sampy isam-batan'olona ny ody, ka ninoana fa miaro na manome hery ny olona mitondra na miravaka azy. Ny olona avy amin'ny saranga rehetra dia afaka mitahiry ody. Mety ho tsara ny ody (tahaka ireo izay ampiasain'ny ombiasa mpanasitrana) nefa koa mety ho ratsy (tahaka izay ampiasain'ny mpamosavy).