Canser

Canser es un grupo de maladias cual conserna la crese nonormal de selulas capas de invade o sperde a otra partes de la corpo. Estas contrasta con tumores noncanserosa, cual no sperde. Sinias e sintomes posible inclui un masa, sangui nonormal, tose longida, perde de pesa nonesplicada, e un cambia en la condui de la intestines. An con ce esta sintomes pote indica canser, los pote ance ave otra causas. Plu ca 100 tipos de canseres afeta umanas.