Turbo ventorum,[1] saepius Turbo,[2] est rotans aeris columna, hominibus animalibusque saepe periculosa, quae nubem cumulonimbam, vel raro infimam nubem cumulam, et terrae superficiem aliquando simul tangens violenter volvitur. Turbines multas formas magnitudinesque ostendunt, sed plerumque visibilem infundibuli condensationis formam habent, cuius finis angustus solum tangit, saepe a nube quisquiliarum pulverisque cinctus. Plurimi turbines celeritates venti minus quam 110 km/h habent, sunt circa 250 pedes sectione transversa, et solum nonnulla kilometra progrediuntur antequam emoriuntur; extremissimi celeritates venti attingere possunt plusquam 480 km/h, plusquam duo milia passuum sectione transversa patere, et terram tangere plusquam 100 km.[3][4][5]