Thessalonica fuit usque ad annum 2010 una e septem praefecturis (sive nomis) regionis (περιφέρεια) Macedoniae Mediae, cuius caput erat urbs Thessalonica. Reformatione administrativa anni 2010 (vide: Libellus Callicratis) praefecturae iura ad regionem Macedoniam Mediam et ad demos, quorum numerus coagmentatione valde minutus est, delata sunt. Territorium praefecturae nomine "Regionali Thessalonicae Unitate" permanet, quae 40 legatos in consilium regionale mittit, praeterea autem vi politica caret.