Our website is made possible by displaying online advertisements to our visitors.
Please consider supporting us by disabling your ad blocker.

Responsive image


Societas Indiae Orientalis Batava

Vide etiam paginam discretivam: Societas Indiae Orientalis.
Monogramma(en) societatis fortasse est primus logotypus corporatus(en) per omnem orbem terrarum agnitus.[1]
Principalis societatis sedes, Amstelodami sita.

Societas Indiae Orientalis Batava[2][3] (Nederlandice Vereenigde Oostindische Compagnie, saepe VOC imminuta) fuit societas mercatoria et una ex primis societatibus collybariis(en)? in orbe terrarum.[4][5] Quae societas, a Civitatibus Generalibus Nederlandiae(en) die 20 Martii 1602[6] rite constituta, priores societates(nl) commiscentes, monopolium annorum viginti et unius accepit ad negotia in Asia facienda,[7] oceanis Indico et Pacifico non exceptis.

Theam, cuprum, argentum, textilia, xylinum, sericum, fictilia, aromata, opium ex Iaponia, Sinis. insulis archipelagi Malaici, India importabat.

Principalis societatis sedes orientalis in Amboina insula sita est, donec Ioannes Petri filius Coen Bataviam urbem (nunc Jakartam) anno 1619 condisset, Insularum Sundanarum et Moluccarum magnam partem ipsa administrabat, et bella contra aborigines et contra Hispanos et Britannos ipsa, saepe sine auxilio gubernationis Nederlandicae, gerebat. Saeculo autem duodevicensimo, lucra perdebat, et, dissoluta, terras suas civitati Nederlandicae reddidit.

Civitas Capitis et Novum Eboracum urbes etiam ut portus et munimenta Societatis Indiae Orientalis conditae sunt.

  1. Timothy Brook, Vermeer's Hat: The Seventeenth Century and the Dawn of the Global World (Londinii: Profile Books, 2008), ISBN 1-84668-120-0.
  2. "Societas Indiae Orientalis" in titulo ipso; "Societas Batava" pp. 92, 138 in Diderici Walteri Iacobi Caroli van Lijnden Dissertatio . . . de commercio Societatis Indiæ Orientalis, Schoonhoviae 1839; "Societas Batava Indiae Orientalis": India Orientalis Christiana Auctore Patre Paulino a Sancto Bartholomaeo.
  3. "Societas Indiae Orientalis quae est Amstelodami": tale nomen hic in rubrica tabulae pictae legis
  4. Exchange History NL – 400 years: the story. . Exchange History NL .
  5. Fergusson, Niall. The Ascent of Money: A Financial History of the World (2009 ed.). Londinii: Penguin Books. pp. 128–132 .
  6. VOC Knowledge Center – VOC Beginnings. . VOC-Kenniscentrum .
  7. Fergusson, Niall. The Ascent of Money (2009 ed.). London: Penguin Books. p. 129 .

Previous Page Next Page