Our website is made possible by displaying online advertisements to our visitors.
Please consider supporting us by disabling your ad blocker.

Responsive image

Karma

Nodus sine fine.
Rota precum generis quod in templis Nepalianis adhiberi potest.
Symboli karmae, sicut nodus sine fine (supra), sunt quotidiana culturae signa in Asia. Nodi fine carentes causam et effectum coniunctum repraesentant, circulum karmicum qui in aeternum persistit. Hic nodus in media precum rota videri potest.
Nymphaea karmam in multis traditionibus Asianis symbolice repraesentat. Flos florens est unus ex paucis floribus qui semel semina intra se cum floret fert. Semen causa, flos effectus symbolice videtur. Nymphaea etiam admonitio putatur hominem crescere, karmam bonum partire, etiam temporibus confusis purum manere posse.[1]
Signa in templis Indicis nodos et alias formas coniunctas ad karmam et vincula inter omnes vitas repraesentandas adhibent. Supra videtur signum in se coniunctum in templo Iainistico.

Karma[2] (-ae, m.;[3] Sanscritice कर्म; IPA ˈkərmə; Palice kamma), ‘actionem’, ‘opus’, vel ‘actum’ significans,[4] ad spirituale causae et effectus principium pertinet, ubi consilium et acta hominis (quod est causa) futurum illius hominis movent (quod est effectus).[5] Bonum consilium et bona acta karmam bonum et felicitatem futuram, sed mala consilia et mala acta karmam malum et dolorem futurum amplificant.[6][7] Karma in multis scholis religionum Asianarum arte cum notione reincarnationis conectitur.[8] In quibus scholis, praesens hominis karma futurum in vita praesenti afficit, una cum natura et qualitate futurarum hominis vitarum (saṃsāra).[9] Karma, in India antiqua ortus, est sententia maximi momenti in Hinduismo, Buddhismo, Iainismo, Sikhismo,[10] et Taoismo.[11]

Nexus interni

  1. ↑ Macioti pp. 69–70.
  2. ↑ Fortasse etiam carmen (-inis, n.).
  3. ↑ Vocabulum est est genere masculino(en) in lingua Hindica, sed fuit genere neutrali(en) in lingua Sanscrita – suffixo -मन्(en) (-ma), qui e PIE -mn̥(en) ducitur, qui Latine est -men(en) (sicut in vocabulo “fluminis”). Hodie in lingua Francogallica, Italica, Hispanica karma adhibetur vocabulum masculinum – at neutrale in lingua Theodisca.
  4. ↑ Vide:
    • "Karma," Encyclopaedia Britannica, ed. 11a (Novi Eboraci), 15:679–680: "Karma meaning deed or action; in addition, it also has philosophical and technical meaning, denoting a person's deeds as determining his future lot."
    • The Encyclopedia of World Religions, ed. Robert Ellwood et Gregory Alles (ISBN 978-0-8160-6141-9), 253: "Karma: Sanskrit word meaning action and the consequences of action."
    • Hans Torwesten, Vedanta: Heart of Hinduism, ISBN 978-0-8021-3262-8 (Novi Eboraci: Grove Press, 1994), 97: "In the Vedas the word karma (work, deed or action, and its resulting effect)."
  5. ↑ "Karma," Encyclopaedia Britannica (2012).
  6. ↑ Halbfass 2000.
  7. ↑ Becker et Becker 2001:678.
  8. ↑ Lochtefeld 2002:351-352.
  9. ↑ Bowker 1997.
  10. ↑ Parvesh Singla. The Manual of Life – Karma. Parvesh singla. pp. 5ff. 
  11. ↑ Wong 2011:193.

Previous Page Next Page






Karma AF Karma ALS कर्म ANP كارما Arabic Karma AST कर्म AWA Karma AZ Karma BAN Karma BCL Карма BE

Responsive image

Responsive image