Franciscus Xaverius Alegrius (Hispanice Francisco Javier Alegre), die 12 Novembris anno 1729 in Vera Cruce[1] natus et die 16 Augusti anno 1788 Bononiae mortuus, Iesuita Mexicanus, necnon interpres et poeta Latinus fuit. Alexandriadem carmen epicum de Tyro ab Alexandro Magno obsessa et eclogam Nysus nomine composuit. Iliadem Homeri Latine hexametris vertit (quae versio videtur ultima huius generis fuisse) et Batrachomyomachiam. Horatii carmina nonnulla et Artem poeticam Nicolai Boileau Hispanice vertebat. Historiam Societatis Iesu in Nova Hispania composuit.