Delta fluminis

Delta fluminis, saepe delta tantum appellata, est forma terrestris a depositione sedimentorum a flumine ablatorum, genus ostii, quo in multa deverticula vel cornua flumen dividitur, quae in mare vel lacum effunduntur. Saepe formam trianguli deorsum visae habent. Insulas permultas plerumque habent, saepe paludinosas. Inter terras alluviales saepe iacent.

Antiqui deltam Nili bene cognoverant, et haec prima delta nominabatur; deltae ceterae ex hac delta nomen ceperunt.