Cave: notitiae huius paginae nec praescriptiones nec consilia medica sunt. |
Capitis dolor[1] (-oris, m.), vel dolor capitis,[2][3] vel ex lingua Graeca cephalalgia[4][5][3] (-ae, f.) sive cephalargia,[4][2] est incommodus sensus vel dolor in regione capitis et colli. Symptoma multorum statuum capitis et colli esse potest. Hodie plus quam ducenta capitis doloris genera describuntur. Textura cerebri ipsa dolorem non sensit, quia nociceptoribus caret; dolor potius efficitur a turbatione structurarum circa cerebrum, quae dolorem sentire possunt. Novem capitis et colli sunt hae structurae: cranium (pericranium calvariae), musculi, nervi, arteriae venaeque, texturae subcutaneae, oculi, aures, sinus paranasales, et tunicae mucosae.