ONEP

L'Organizuro di Nacioni Exportaceri di Petrolo (abreviuro en Ido: ONEP, en Angla Organization of the Petroleum Exporting Countries - OPEC) esas trusto konsistanta ek 12 landi qui produktas ed exportacas granda quanti di petrolo - Aljeria, Angola, Equador, Iran, Irak, Katar, Kuwait, Libia, Nigeria, Saudi-Arabia, Unionita Araba Emirii e Venezuela - kun precipua skopo protektar la komercala ed ekonomikala interesti de lua membri, sive individuala sive kolektiva. La sideyo dil organizuro jacas en Wien, Austria.

L'influo di ONEP en la preci di petrolo en la merkati subisas kritiki, pro ke ol divenis efikiva en determinar la preci di petrolo. Exemple en 1973 pos la milito dil Yom Kipur, kande Araba landi decidis embargar exportaci di petrolo por Usa ed altra landi qui suportis Israel, e kreis krizo en la provizuri di petrolo ed augmenti en lua internaciona preci.