Douala

Douala

Localización
4°03′N 9°42′L / 4.05, 9.7
Estado	Camerún
Rexión	Litoral (pt)
Departamentos (pt)	Wouri (en)
Capital de	Camerún alemán Litoral (pt) Wouri (en)
Poboación
Poboación	2.768.436 (2015) (13.183,03 hab./km²)
Xeografía
Superficie	210 km²
Bañado por	Río Wouri
Altitude	13 m
Identificador descritivo
Fuso horario	UTC+01:00
Outro
Irmandado con	Newark Roma Akhisar Trieste (1971–) Filadelfia (1986–) Dakar (1994–) Sfax (1997–) Taiyuan (1999–) Windhoek (2000–) Uagadugú (2012–) Agadir (2013–) Durban (2015–)

Douala é a maior cidade do Camerún e capital da Rexión do Litoral e do departamento de Wouri. Cunha poboación de 2 768 400 habitantes (2014),^[1] cidade atópase no oeste do país, a beiras do golfo de Guinea, no océano Atlántico, xusto na desembocadura do río Wouri. A cidade esténdese a ambas as beiras do río, unidas pola ponte Bonaberi. Douala é unha das cidades máis importantes do país e a capital económica do Camerún. Tamén é un importante porto de entrada de mercadorías cara ó Chad e a República Centroafricana, os veciños do Camerún sen litoral.

A cidade conta con importantes infraestruturas como o Aeroporto Internacional de Douala. Ademais é o principal porto do país e é a terminal de dúas liñas de ferrocarril que se prolongan cara ó interior e enlazan con Yaoundé, Ngaoundéré, Kumba e Nkongsamba. Así pois, dende Douala realízanse a maioría das exportacións do país, como as de petróleo, café e cacao, ademais de producirse un importante comercio co veciño Chad. En Douala atópase o mercado Eko, o maior do país. As industrias máis importantes son as fábricas de produtos de aluminio, a elaboración de cervexa, refrescos, a industria téxtil e da madeira.

1. ↑ "Cameroon: Regions, Major Cities & Towns - Population Statistics, Maps, Charts, Weather and Web Information". www.citypopulation.de.