Transliteraasje

Transliteraasje (fia it Frânske transliteration út it Latyn) is it letter foar letter (of karakter foar karakter) oersetten fan in wurd of tekst fan it iene skrift nei it oare. De term betsjut letterlik: "oerlettering". Transliteraasje is in foarm fan transkripsje. Faak besteane der foar transliteraasje offisjele systemen dêr't men gebrûk fan meitsje kin, lykas pinyin en Wade-Giles, dat systemen binne dêr't men Sineeske karakters mei transliterearje kin nei it Latynske skrift.