Txiang Mai (probintzia)

Txiang Mai Thailandiako iparraldeko probintzia da, Birmaniarekin muga egiten duena (Iparraldeko lurraldea). 20.107 km² ditu, eta hiriburuak ere Txiang Mai du izena. Probintzia menditsua da, eta han dago Doi Pha Hom Pok mendia, Thailandiako gailur gorena (2.298 m). Laborantza (tea, arroza, lekadunak, tabakoa, fruitu-arbolak), zurgintza eta lurpeko aberastasunen ustiaketa (antimonioa, tungstenoa, eztainua) dira ekonomia-jarduera nagusiak.