Teseo

Teseo
Greziar mitologia
Ezaugarriak
Sexua	gizonezkoa
Ogibidea	erregea
Heriotza	itotze
Familia
Aita	Aegeus (en) eta Poseidon
Ama	Aethra (en)
Ezkontidea(k)	Fedra, Antiope (en) , Ariadna, Hipolita eta Helena Troiakoa
Bikotekidea(k)	Perigune (en) , Egle eta Piritoo
Seme-alabak	Hipolito, Melanippus (en) , Acamas (en) , Demofonte eta Ifigenia

Teseo^[1] (antzinako grezieraz: Θησεύς, "Thêseús") greziar mitologian atenastar heroi handiena izan zen. Etra eta Egeoren semea zen, baina batzuk itsasoko jainkoa Poseidonen semea zela zioten, eta Egeo Etrarekin ezkondu zen egunean bortxatu zuela. Egeok, beste emazteekin seme-alabarik izan ez zuenez Delfosko orakuluari galdetu zion. Erantzuna kriptikoa izan zen eta Egeok ez zuen ulertu, baina Piteok, Trezeneko erregea eta Etraren aita, bai: Horregatik Piteok Egeo mozkortu zuen bere alaba Etrarekin ezkontzeko, saiatzen zen lehen emakumearekin semea izango baitzuen.

Egeok Teseo jaiotzean berarengandik urrundu zuen Palantidetatik babesteko. Horregatik bere ama eta aitonarekin Trezenen igaro zuen bere haurtzaroa. Egeok bere ezpata eta sandalia pare bat ezkutatu zituen harri baten azpian Teseo indartsua izatera arte ez izateko. 17 urte betetzean bere amak sekretua kontatu zion eta harria altxatzea lortu zuen. Bertako sandaliak jarri zituen eta ezpata eraman zuen bere aitak semea ezagutu ahal izateko.

1. ↑ Euskaltzaindiaren 82. araua: Grezia eta Erromako pertsonaia mitologikoak