Kosmologia

Kosmologia unibertsoa osotasunean, sistema fisiko moduan, aztertzen duen zientzia da. Astrofisikaren adar bat da eta espazio, denbora, materia, energia eta beste zenbait kontzeptu erabiltzen ditu unibertsoaren izaera eta bilakaera azaltzeko. Historian zehar, unibertsoaren izaerari buruz emandako azalpenak mitologikoak eta erlijiosoak baziren ere, XVIII. mendetik diziplina zientifiko moduan taxutu da, metodo zientifikoa bereganatuz, unibertsoari buruzko teoriak planteatu eta frogatzerakoan.