Erretinoide

Erretinoide
Mota	diterpenoid (en)
Identifikatzaileak
Gmelin	26537
MeSH	D012176

Kimika organikoan erretinoideak A bitaminaren deribatu naturalak edo harekin kimikoki erlazionatuta dauden konposatu kimikoak dira^[1]. Hidrofobikoak dira.

Erretinoide sintetikoak medikuntzan erabiltzen dira, eta larruazalaren osasuna, immunitatea eta hezurretako arazoak erregulatzen dituzte. Hauen artean, etretinatoa eta azitretina aipa daitezke.

Erretinoide naturalek funtzio garrantzitsu asko dituzte gorputz osoan: ikusmenean, larruazalean, hezur-ehunaren hazkuntzan, immunitatean eta arren ugalkortasunean^[2]. Hauen artean erretinola, erretinala, azido erretinoikoa, isotretinoina eta alitretinoina aipa daitezke.

Erretinoide naturalei lehen belaunaldiko esaten zaie eta sintetikoei bigarren belaunaldiko.

1. ↑ «ZT Hiztegi Berria» zthiztegia.elhuyar.eus (Noiz kontsultatua: 2024-09-14).
2. ↑ (Ingelesez) Kiser, Philip D.; Golczak, Marcin; Palczewski, Krzysztof. (2014-01-08). «Chemistry of the Retinoid (Visual) Cycle» Chemical Reviews 114 (1): 194–232.  doi:10.1021/cr400107q. ISSN 0009-2665. PMID 23905688. PMC PMC3858459. (Noiz kontsultatua: 2024-09-14).