Bosoi

Bosoi
Elkarreraginak	grabitazio
Antipartikula	bosoi
Aurkitua
Masa inbariantea	0 GeV/c²

Bosoia partikulen fisikaren arabera naturaren funtsezko bi partikuletako bat da (bestea fermioia baita). Bosoi izena Satyendra Nath Bose fisikari indiarraren omenez jarri zioten. Ezaugarriak:

1. Berezko momentu angeluar edo spin osoa dute (0, 1, 2, ...).
2. Ez dute Pauliren baztertze-printzipioa betetzen eta Bose-Einsteinen estatistikari jarraitzen diote. Hori dela eta, Bose-Einsteinen kondentsazio fenomenoa gertatzen da (maser eta laserren garapena posible egin zuen).
3. Bosoien sistemek betetzen duten uhin-funtzio kuantikoak partikula-trukearekiko simetrikoak dira.

Nahiz eta bosoi gehienak konposatutako partikulak izan, eredu estandarraren arabera bost oinarrizko bosoi daude:

• Gauge bosoiak: (γ · g · W^± · Z).
• Higgs bosoia: (H⁰).

Gauge bosoiak ez bezala, Higgs bosoia ez da inoiz detektatua izan esperimentuetan.^[1]

1. ↑ Higgs bosoia, hor zaude?, Guillermo Roa Zubia, 2008/04/01, www.zientzia.net^{[Betiko hautsitako esteka]}