Balentzia

Balentzia elementu kimiko batek bere azken energia maila osatzeko hartu edo utzi behar dituen elektroi kopurua da. Elektroi hauek lotura kimikoak osatzeko edo erreakzio kimikoak emateko erabiliko ditu. Kontzeptua XIX. mende erdialdean garatu zen, gai kimikoen formulak arrazionalizatzeko asmoz. Gaur egun, goi mailako ikerketan ez da erabiltzen, gai kimikoen elkarketaren teoria asko aurreratu baita. Hala ere, oinarrizko ikasketetan erabiltzen da, hurbilketa aproposa baita.