Areto-futbol

Areto-futbol 36 x 18 metroko eremu angeluzuzenean, normalean estalpekoa, bosna jokalariz (atezaina eta 4 jokalari) osatutako bi talderen artean jokatzen den futbol-mota da^[1].

1980. hamarkadara arte, kirolak erregulazio bakarra izan zuen eta "futsal" izena hartu zuen. Araugilea FIFUSA izeneko elkartea izan zen, orain Asociacion Mundial de Futsal (AMF) izenekoa. Orduz geroztik, nazioarteko bi erakundek arautzen dute, AMFk eta FIFAk, zeinak arau eta eskumen ezberdinak ezarri dituzten, eta, horregatik, zenbait adituk diote bi kirol ezberdin direla. Bata, AMFk gaztelaniaz "futsal" edo "fútbol del salón" izendatutakoa, eta, bestea, FIFAk "fútbol sala" izendatutakoa^[2][3][4].

1930an Juan Carlos Ceriani argentinarrak asmatu zuen futsala, Uruguaiko soin hezkuntzako irakasle zenak. Hasiera batean, "indoor soccer" deitu zion. Kirolak berehala irabazi zuen ospea, Uruguaik antolatu eta irabazitako 1930eko lehen Munduko Koparen grinagatik, eta berehala hedatu zen Hego Amerikan eta baita gainerako kontinenteetan ere.

1. ↑ Harluxet Hiztegi Entziklopedikoa. Futbol. .
2. ↑ AFA-FIFA. «Reglamento del fútsal». .
3. ↑ (Gaztelaniaz) Muñoz, Pablo. (2019-09-27). «¿De qué hablamos cuando hablamos de futsal FIFA? • Cuna Del Futsal» Cuna Del Futsal (Noiz kontsultatua: 2022-06-03).
4. ↑ (Portugesez) Futsal: Princípios Técnicos E Táticos. Editora da ULBRA ISBN 978-85-7528-084-3. (Noiz kontsultatua: 2022-06-03).