Rilatumo

Rilatumo (en la latina lingvo ratio) laŭ PIV estas en matematiko la egaleco de du kvocientoj aŭ frakcioj, ekzemple "6:8=9:12" (alia skribmaniero "6/8=9/12"). Laŭ PIV la koncepto ankaŭ esprimiĝas kiel unu el pluraj signifoj de la vortoj proporcio aŭ raporto.

La latina vorto ratio uziĝas ne nur en matematika senco, sed ankaŭ havas ĝenerale filozofian signifon, kiun en Esperanto respegulas la vorto racio - la kapablo pensi kun la ordigo de la aferoj tiamaniere, ke ili fariĝas pli klaraj.

En la angla lingvo la vorto ratio aliflanke ofte simple priskribas la rilaton inter du mezuroj (ne inter du mezuroparoj), ekzemple "6:8" (respektive "6/8") aŭ "60 km/1 h" - tiam matematike simple temas pri kvociento kaj tradukiĝas tiel.

Ĉi tiu artikolo ankoraŭ estas ĝermo pri matematiko. Helpu al Vikipedio plilongigi ĝin. Se jam ekzistas alilingva samtema artikolo pli disvolvita, traduku kaj aldonu el ĝi (menciante la fonton).