Our website is made possible by displaying online advertisements to our visitors.
Please consider supporting us by disabling your ad blocker.
Potenca metalroko
| Potenca metalroko | ||
|---|---|---|
| Angle | Power metal | |
| Kulturaj fontoj | fruaj kaj mezaj 1980-aj jaroj en Germanio | |
| Stilaj fontoj | Rapida metalroko, Nova ondo de Brita metalroko | |
| Tipaj instrumentoj | Kantado, elektra gitaro, basgitaro, drumo, klavarinstrumento | |
| Regionaj scenoj | Germanio - Skandinavio - Italio - Brazilo - Japanio | |
| Rilataj kategorioj | Muzikaj grupoj •Muzikalbumoj •Unuopaĵoj •Muzikalbumetoj | |
Potenca metalroko aŭ potenca metalo (angle: power metal) estas subĝenro de metalroko.[1][2] Ĝi kombinas karakterizaĵojn de tradicia kaj rapida metalrokoj, ofte ene de simfonia kunteksto. Ĝenerale estas potenca metalroko karakterizata per pli edifa sono, kontraste al kutimaj pezeco kaj dissonado en ĝenroj kiel dum-metalroko aŭ mortmetalo. La esprimo superkovras du malsamajn sed rilatajn stilojn: la unua iniciatita kaj grandparte ludata en Norda Ameriko kun pli malmola sono simila al rapida metalroko, kaj posta pli disvastiĝinta kaj populara stilo bazita en Eŭropo (aparte en Germanio, Italio, Skandinavio), Argentino, Brazilo kaj Japanio kun pli mola, pli melodia sono kun ofta uzado de klavarinstrumentoj.
Gravaj metalrokaj influoj sur potenca metalo estas Iron Maiden,[3], Rainbow kaj Accept. Al la plej influaj grupoj apartenas Helloween, Gamma Ray, Hammerfall, DragonForce kaj Manowar.[4] Potencan metalrokon en Esperanto ludas BaRok' Projekto.
- ↑ Heavy Metal Subgenres (angle). h2g2 (2002-10-29). Alirita 2012-08-08.
- ↑ Bowar, Chad. Heavy Metal Genres (angle). About.com. Alirita 2012-08-08.
- ↑ (2000) Metal Estremo. Omnibus press, p. 14. ISBN 88-7333-005-3.
- ↑ Power Metal significant music. AllMusic.com. Alirita 2012-08-08.
Previous Page Next Page
