Julio de 2024

Jen listo de okazaĵoj en julio 2024:

2-a de julio 2024

• Pli ol cent mortoj, inter kiuj multaj virinoj kaj infanoj, pro homamasiĝo dum religia festivalo en Hathras, en Utar-Pradeŝo, sudoriente de Nov-Delhio, Barato.

4-a de julio 2024

• La reginta Konservativa Partio de Britio amase malgajnis en parlamentaj elektoj post 14-jara regado. La Laborista Partio gajnis absolutan plimulton da seĝoj.

6-a de julio 2024

• La reformista Masud Pezeŝkian venkis en la prezidenta balotado en Irano.

7-a de julio 2024

• La maldekstro venkis en la ĝenerala balotado de Francio, dum la reginta dekstro de Emmanuel Macron iĝas duaranga kaj la antaŭvidita venkonta ekstremdekstro de Marine Le Pen restas triaranga.

13-a de julio 2024

• Eksa usona prezidanto Donald Trump estis vundita en malsukcesa atenco proksime de Butler, Pensilvanio. Pli detale ĉe Vikinovaĵoj.

18-a de julio 2024

• Ursula von der Leyen estis reelektita de la Eŭropa Parlamento por gvidi la Eŭropan Komisionon por pliaj 5 jaroj.

20-a de julio 2024

• Operacio Longa Brako: En respondo al la spavo-atako en Tel-Avivo kaj la implikiĝo de la Hutioj en la Israel-hamasa milito de 2023, la aerarmeo de la Israelaj Defendaj Fortoj atakis Hutiajn celojn en la havenurbo Al-Hudaida en la samnoma provinco en Jemeno. Tio estis la unua militatako de Israelo en Jemeno.
• Pli ol cent mortoj rezultis dum protestoj fare de ĉefe studentoj kaj subpremado fare de polico en Bangladeŝo dum la lasta semajno.

21-a de julio 2024

• Usona prezidanto Joe Biden anoncis sian retiriĝon de la prezidenta konkurso. Li subtenas Vicprezidanton Kamala Harris kiel novan kandidaton de la demokratoj.
• La Internacia Matematika Olimpiko (IMO) por 2024 finiĝis. En la konkurso partoprenis 609 junuloj reprezentantaj 108 landojn. La delegacioj de Usono, Ĉinio kaj Sud-Koreio gajnis la unuajn tri lokojn.

22-a de julio 2024

• Terglitoj okazigis la mortojn de almenaŭ 257 personoj en Geze Gofa, Suda Etiopio.

26-a de julio 2024

• En Parizo komenciĝis la Somera Olimpiko 2024.