Atlanto (anatomio)

Atlanto aŭ atlaso estas la unua vertebro de la vertebraro. Ĉar la unua parto de la vertebraro nomiĝas kolvertebraro "Columna cervicalis", la scienca notacio por atlanto estas C1. Je la supra parto de la atlanto estas du grandaj artikaj ebenaĵoj kiuj portas la kranion. La nomo atlanto indikas la mitologian figuron Atlason, kiu portas la ĉielglobon sur la ŝultroj.