Raggn

Al Raggn o Ränn (in itagliàn Reno) l é al fiómm pió lóng dl’Emégglia-Rumâgna, dåpp al Pò e l é anc al pió lóng ed quî ch'in van brîṡa int al Pò. Al nâs int la pruvénzia ed Pistòja a 745 méter in vatta al mèr, indóvv i s cråuṡen i dû râm dal Raggn ed Prunatta e Raggn ed Canplóng.

Spass sacc int al prémm tragétt, al fiómm al travêrsa la zitè ed Bulåggna, al dṡaggna al cunfén stra l’Emégglia e la Rumâgna insàmm al Sàrrel e al va int al Adriâtic pôc såtta äl Vâl ed Cmâc'.