Sawm

Yn athrawiaeth Islam, yr olaf o Bum Colofn y Ffydd (Arabeg: Arkân al-Dîn), a adnabyddir hefyd fel y Farâ'idh, yw Sawm neu siyâm, sef ymprydio yn ystod Ramadan, y mis sanctaidd.

Yr adeg honno mae bwyta bwyd o unrhyw fath, yfed, smygu, gwisgo peraroglau a chael perthynas rhywiol yn waharddedig o doriad y wawr hyd at fachlud yr haul. Nid oes disgwyl i blant ifanc, yr henoed neu rywun sy'n dioddef afiechyd meddwl ddilyn y rheolau hyn yn gaeth a gellir hepgor y sawm yn gyfangwbl pe bai'n rhaid. Mae gwragedd beichiog, mamau sy'n rhoi llefrith i'w babanod, rhywun sy'n dioddef afiechyd a theithwyr yn gallu gohirio'r siyâm a'i chyflawni yn ddiweddarach. Nid ystyrir fod cymryd ffisig yn torri'r ympryd.

Eginyn erthygl sydd uchod am Islam. Gallwch helpu Wicipedia drwy ychwanegu ato.