Grawn

Grawn neu Grawnfwyd yw'r term a ddefnyddir am rai mathau o weiriau (Poaceae) a dyfir am eu grawn, sy'n fath ar ffrwyth a elwir yn caryopsis. Y rhain yw'r pwysicaf o'r gwahanol fwydydd a dyfir trwy'r byd, ac mewn rhai gwledydd prin fod y tlodion yn bwyta dim arall.

Ymhlith y mathau pwysicaf mae

• indrawn, sy'n arbennig o bwysig yng Ngogledd America, De America ac Affrica
• reis, y math pwysicaf yn y trofannau, yn arbennig yn Asia
• gwenith, y math pwysicaf yn y rhannau oerach o'r byd
• haidd
• sorghwm
• ceirch
• rhyg
• miled