Cilium

Cilium

Math	safle archaeolegol
Daearyddiaeth
Sir	Kasserine
Gwlad	Tiwnisia
Cyfesurynnau	35.167856°N 8.798446°E
[golygwch ar Wicidata]

Dinas Rufeinig yn Nhiwnisia yw Cilium. Fe'i lleolir fymryn i'r de-orllewin o ddinas Kasserine yn y dalaith o'r un enw, yng ngorllewin canolbarth y wlad tua 30 km o'r ffin ag Algeria.

Bu Cilium yn ganolfan ranbarthol o bwys yn nhalaith Affrica yng ngyfnod y Rhufeiniaid. Saif ar fryn isel ger afon Oued Dhrib. Ceir adfeilion theatr Rufeinig fawr yno, wedi'i cherfio yn llethr y bryn, a bwa fuddugoliaeth. Maent yn dyddio o'r 3g OC. Yn ogystal ceir adfeilion y fforwm a'r capitol, a'r baddonau cyhoeddus. Ceir ambell heneb o'r cyfnod Rhufeinig yn ninas Kasserine ei hun, yn cynnwys Mawsolewm y Flavii, a godwyd fel cofeb i Flavius Secundus a'i deulu.^[1]

Ar ôl i'r Rhufeiniaid ymadael codwyd caer yn Cilium gan y Bysantiaid.^[2]

1. ↑ David Willet, Lonely Planet: Tunisia (2001), tud. 241.
2. ↑ Hedi Slim ac eraill, L'Antiquité (Tiwnis, 2003), tud.396.