Nicaragua

Nicaragua pe Nikaragwa, República de Nicaragua hec'h anv ofisiel, zo unan eus Stadoù Kreizamerika, etre Honduras en norzh ha Costa Rica er su, hag etre ar Meurvor Habask hag ar Meurvor Atlantel. Managua eo ar gêr-benn hag ar gêr vrasañ.

A-orin engenidik, europat hag afrikan eo ar boblañs. Ar c'hastilhaneg eo ar yezh kehentiñ, met miskitoeg, ramaeg, sumoeg hag ar c'hreoleg limonese (ur c'hreoleg saoznek e ziazez geriadel) eo ar yezhoù a vez komzet gant an henvroidi.