Alba Iulia

Alba Iulia (distaget [ˌalba ˈjuli.a] e roumaneg; Karlsburg pe Weißenburg en alamaneg; Gyulafehérvár en hungareg; Apulum e latin) zo ur gêr eus Roumania, e kontelezh Alba.

Emañ war lez ar Mureș, e-kreiz Roumania, e rannvro istorel Treuzsilvania. E 2011 e oa 63 536 a dud o chom en Alba Iulia ha 95% anezho a oa roumanegerien^[1].

Abaoe ar Grennamzer eo bet kêr-benn bolitikel ha relijiel Treuzsilvania. Etre 1541 ha 1692 e oa kêr-benn Rouantelezh Hungaria ar Reter ha, war-lerc'h, Priñselezh Treuzsilvania. Ur gêr a bouez eo evit holl bobloù Roumania, roumanegerien, hungaregerien, alamanegerien.

Peder c'hêriadenn zo stag ouzh Alba Iulia : Bărăbanț, Micești, Oarda ha Pâclișa.

1. ↑ Comunicat de presă privind rezultatele provizorii ale Recensământului Populaţiei şi Locuinţelor – 2011. Alba County Regional Statistics Directorate (2012-02-02). Kavet : 28 Here 2020.