Wissn

Wissn (dt.: Wissen) is a woare Moanung, eppas wo ma gwiis woass, a Netzweak vo Faktn, Theorien und Regln.

Wissn untascheidt se vo Datn und Informationa. Eascht aus strukturiadn Datn entsteht Information und aus organisiada Information entsteht Wissn.

Dakenntnis basiad im Grund imma af Sinneswoarnehmung. De Sinne san owa nua a meah oda wenga groba Fuita vo Datn, de wo im Hian nacha hypothetisch intapretiad wean. Deswegn gibts koa absolut sichas Wissn. Dorum gibts aa Vaschwearungstheorien, wei des Hian a Rekonstruktionsapparat is, dea wo aa do wos eineintpretian ko, wo ibahapts ned da Realitet entspricht. Wissn giit dohea nua so lang ois wia as Gegntei ned bewiesn is.

As Woat Wissn kimmt vo da indogermanischn Wuazn *weid- und findt se beispuisweis im lateinisch videre ,schaun‘ (aa Video), im englischn view und im Sanskrit veda ,Wissn‘ wieda.