Hermes

Hermes (griachisch Ἑρμῆς, aa Hermeias Ἑρμείας, is in da griachischn Mythologie da Schutzgod vom Vakea, vo de Reisendn, de Kaufleit und de Hirtn. Ea is oba aa da God vo de Diab, de Kunsthendla, da Redekunst, da Gymnastik und da Magie. Ois Botschofta vom Zeus duat ea seine Beschliss vakindn. Ois Seejnfiara bringt a de Gstorbanan in an Hades (de Untawejd). Ea gheat za de zwejf grossn Olympischn Gedda. Sei remischs Pendant is da Merkur(ius).

De Hermeneutik ois Wissnschoft vom "Eaklean und Vasteh" is noch im Hermes gnennt, wei ea de oft schwaa vastendlichn Botschoftn vom Zeus eaklean und interpretian hod miassn.